Эрон Президенти Масъуд Пезешкиён ва Ўзбекистон Президенти Шавкат Мирзиёев телефон орқали қилган мулоқот чоғида икки томонлама муносабатлар ва ҳамкорликларнинг сўнгги ҳолатини муҳокама қилдилар. Мулоқот давомида томонлар Теҳрон ва Тошкент алоқаларини янада ривожлантириш ва чуқурлаштириш ҳамда турли соҳалардаги ҳамкорликни кенгайтиришга алоҳида эътибор қаратдилар. Шунингдек, икки томонлама муносабатларни мустаҳкамлаш мақсадида мулоқотларни давом эттириш ва дипломатик делегациялар алмашинувини фаоллаштириш зарурлиги таъкидланди.